Saturday, July 19, 2008

ಏನು ಬೇಕು?

ಉಟ್ಟ ಬಟ್ಟೆಯಲ್ಲೇ ಹೊರಟುಬಿಡಬೇಕು
ಕಾಡು ಕತ್ತಲು, ಬೆಟ್ಟ ತಪ್ಪಲು
ಸುತ್ತಿ ಸುತ್ತಿ ಅಲೆದಾಡಬೇಕು
ಹುಡುಕಬೇಕು, ನನಗೇನು ಬೇಕೆಂದು

ಎಲ್ಲವನ್ನೂ ಬಿಟ್ಟೋಡುವ
ಪಲಾಯನವಾದಿಯಾದರೆಷ್ಟು ಚೆನ್ನ
ಜೀವನವನೆದುರಿಸಿ, ಗೆಲುವು ಸಾಧಿಸಿದರೆ
ಮತ್ತಷ್ಟು ಚೆನ್ನ

ಆದರೆ, ಯಾವುದು ಸೋಲೋ
ಯಾವ ಗೆಲುವೋ?
ಸೋಲೇ ಗೆಲುವು?

ಆ ಅನುಭಾವಿ ಹಂತದಲ್ಲಿ
ಸೋಲುಗೆಲುವುಗಳೆರಡೂ ಒಂದೇ
ಸೋತರೂ, ಗೆದ್ದರೂ ನಿರ್ಣಾಯಕ ಸ್ಥಿತಿಯೊಂದೆ
ಮತ್ತೆ, ನನಗೇನು ಬೇಕು?





3 comments:

Anonymous said...

chennagide!

Sowm!

Rahul said...

ಚನ್ನಾಗಿದೆ.

Rahul said...

ಚನ್ನಾಗಿದೆ..